وداعيـــة جفـــا

سألتك بعد هالفرقا عليـه ليه صرت أتغار؟
أمانـه قول لي بعد الفراق اليوم وش جابك؟

ثمان سنين ما تنشد و لا تسأل وش اللي صار ؟
خذاك الوقت عن دربي و تهت في سكت أحبابك

رحلت و لا بقى منك سوى هم و تعب و سفار
تجيني اليوم تكتب لي قصايد حب في كتابك

قصايد مالها معنى و لا تحمل معك أعذار
تباني أقولك حياك نبضي صدق يحيابك ؟

تباني أرسم البسمه و قلبي دخله به نار ؟
تباني كم أنا واقف سنين طوال على بابك ..



ترى صبري وصل حده و مل الخاطر المحتار
سنين وكنت أنا اتمنى أكون بدنيتك شابك

و أنت للأسف دايم تعاملني باستهتار
و هذا اليوم ودعتك و خل يفيدك غيابك

و اذا تبغي تكلمني على اللي في آخـره أصفار
تأكد أن هو مغلق من أمس و كان بأسبابك